ألذ و اشهى طعميه بيتى... .ولا اروع .....من هيثوووم

السلام عليكم ورحمه الله وبركاته

الطعميه البيتى

صور ألذ و اشهى طعميه بيتى... .ولا اروع .....من ايد عمرنا في منتدى فتكات
كلنا بنحبها
فطار وعشاء ووجبات سريعه
لذيذة و رائحتها رائعه تفتح الشهيه خصوصا وهىساخنه

المكونات
نصف كيلو فول مدشوش - 3 بصلات -7 فصوص كبيرة ثوم - كرات - كسبرة خضراء- شبت - بقدونس - نعناع اخضر
التوابل
كسبرة ناشفه -كمون - ملح - قليل من الفلفل الاسود - قليل من الشطه - قليل من البابريكا -نصف ملعقه ثوم بودرة لو متوفر عندك- ولمذاق مميز جدا فصين حبهان ناخد البذور السوداء اللى داخلهم (اختيارى لكن انصحك بيه بشده)- ثمن ملعقه شاى بيكنج بودر - سمسم

الطريقه
نغسل الفول وننقعه من بالليل فى ماء غزير
تانى يوم نغسل الفول من ماء النقع ونصفيه من الماء
نقطع البصل مكعبات كبيرة ونضيفه والثوم والتوابل كلها و افتحى فصين الحبهان وخدى البذور السوداء اللى داخلهم بتعطى نكهه رائعه للطعميه(فيما عدا الملح بيضاف وقت القلى )
نغسل الخضراوات ونقطعها على المكونات السابقه و نقلب جيدا
نفرم المكونات معا
فى المفرمه يدويه او كهربائيه او فى الكبه او الفود بروسيسسور
حسب المتاح عندك من ادوات
ملحوظه: لو استخدمتى المفرومه اليدويه ...افرمى الطعميه مرتين ..وشين يعنى
المهم انها لا تكون ناعمه جدا ولا خشنه ...نفرمها وسط
نقسمها على عبوات صغيرة حسب الوجبه ونحفظها فى الفريزر لحين الاستخدام

وقت الاستخدام
نطلع باكيت الطعميه ونتركه يسيح
نضيف لها ملح حسب الرغبه وثمن ملعقه بيكنج بودر
نلف العجينه باليد الى ان تصبح متجانسه وتعمل رغوة فاتحه
معنى كده انها جاهزة للقلى

نبدا نسخن الزيت كويس ونشكل الطعميه وحدات بملعقه طعام او لو عندك اداه تشكيل الطعميه المعروفه
نضع سمسم حسب الرغبه على الوحدات
ننزلها فى الزيت الساخن ولما تبدا تاخد لون اصفر خفيف نقلل النار الى متوسطه علشان تستوى كويس جدا من جوة
(لو الزيت كان مش ساخن من الاول ...الطعميه هاتشرب زيت وتفك منك )

لما تاخد لون مناسب انشليها من الزيت وصفيها على ورق مطبخ ابيض
هاتلاقيها تقريبا مش شاربه زيت باذن الله
قدميها وزينى الطبق حسب رغبتك

صور ألذ و اشهى طعميه بيتى... .ولا اروع .....من ايد عمرنا في منتدى فتكات

جربوها
هاتعجبكم جدا